Embassy of the United States in Manila

Pinamunuan ni Tom Vilsack, Kalihim ng Agrikultura ng Amerika, ang Misyong Agribusiness sa Maynila, at Muling Inihayag ang Layunin para sa Mas Matibay na Relasyong Pangangalakal at Pamumuhunan sa Pagitan ng Amerika at Pilipinas

Bumisita at nagbigay-galang si Tom Vilsack, Kalihim ng Agrikultura ng Amerika, kay Gng. Gloria Macapagal Arroyo, Pangulo ng Pilipinas ng dumalaw ang kalihim sa Maynila noong Oktubre 24-27 upang pamunuan ang misyong pang-agribusiness at mas palakasin ang relasyon sa kalakalan at pamumuhunan sa pagitan ng Pilipinas at Amerika. Bukod dito, nakipagmiting din ang Kalihim sa mga Pilipinong negosyante at kay G. Arthur Yap, Kalihim ng Agrikultura ng Pilipinas; bumisita sa isang planta ng harina sa Metro Manila; namigay ng tinapay at gatas mula Departamento ng Agrikultura ng Amerika sa mga mag-aaral sa Pasig City; at nagpahayag na magbibigay ang Amerika ng $8.5 milyong halaga ng pagkain para sa mga nasalanta ng nakaraang mga bagyo.
Sa paggabay ni Kalihim Arthur Yap (gitna) ng Departamento ng Agrikultura sa Pilipinas, nagtanim ng palay sina Kalihim Tom Vilsack (kanan) ng Departmento ng Agrikultura ng Amerika at Embahador Kristie Kenney (kaliwa) ng Amerika sa palayan ng International Rice Research Institute n sa Los Banos, Laguna.
Namigay si Kalihim Tom Vilsack ng Departamento ng Agrikultura na Amerika ng tinapay at gatas sa mga mag-aaral ng Sagad Elementary School sa Pasig City, na isa sa mga bahagi ng Metro Manila na malubhang nasalanta ng mga nakaraang bagyo. Sa kanyang pakikipagpulong kay Pangulong Gloria Macapagal Arroyo ng Pilipinas, ipinahayag ng Kalihim na ang Amerika ay magbibigay ng $8.5 milyong halaga ng pagkain para sa mga bikitima ng bagyo. Ang donasyon ay binubuo ng may 7,000 metriko tonelada ng bigay at 680 metriko tonelada ng gatas, na tinatayang sapat kainin ng may 438,000 pamilya sa anim na buwan.
Binabasa ni G. Tom Vilsack, Kalihim ng Agrikultura ng Amerika, ang pangalan ng mga sundalong Amerikano na nakalibing sa American Cemetery and Memorial sa Taguig City ng Metro Manila. Ang Kalihim ay bumisita sa Maynila noong Oktubre 24-27 upang pamunuan ang isang misyong pang-agribusiness ng 20 kompanyang Amerikano, at upang muling ihayag ang layunin ng Amerika na mas patibayin ang relasyon nito sa Pilipinas sa larangan ng pangangalakal at pamumuhunan.

U.S. Agriculture Secretary Tom Vilsack Leads Agribusiness Mission to Manila, Reiterates Commitment to Stronger U.S.-Philippines Trade and Investment Ties

Pinamunuan ni Tom Vilsack, Kalihim ng Agrikultura ng Amerika, ang Misyong Agribusiness sa Maynila, at Muling Inihayag ang Layunin para sa Mas Matibay na Relasyong Pangangalakal at Pamumuhunan sa Pagitan ng Amerika at Pilipinas